ភ្នំពេញ៖ រដ្ឋមន្ត្រីក្រសួងអប់រំ យុវជន និងកីឡា បានប្រកាសរៀបចំការប្រឡងជ្រើសរើសសិស្សពូកែទូទាំងប្រទេស សម្រាប់ឆ្នាំសិក្សា ២០២៤-២០២៥។ នេះបើតាមសេចក្តីជូនដំណឹងផ្លូវការរបស់ក្រសួងអប់រំ យុវជន និងកីឡា ចុះថ្ងៃច័ន្ទ ទី៣ ខែកុម្ភៈ ផ្ញើជូនប្រធានមន្ទីរអប់រំខេត្ត និងក្រុង។
យោងតាមអនុក្រឹត្យលេខ ១៣៧ អនក្រ.បក ចេញដោយរាជរដ្ឋាភិបាលកម្ពុជា ចុះថ្ងៃទី៦ ខែកក្កដា ឆ្នាំ២០១៦ ក្រសួងនឹងបន្តអនុវត្តការប្រឡងទូទាំងប្រទេសសម្រាប់សិស្សពូកែក្នុងឆ្នាំសិក្សាខាងមុខ តាមទម្រង់ដដែលដែលបានបង្កើតឡើងសម្រាប់ ឆ្នាំសិក្សា 2023-2024 ។
ដើម្បីធានាបាននូវភាពច្បាស់លាស់ និងការរៀបចំប្រកបដោយប្រសិទ្ធភាព ក្រសួងក៏នឹងចេញសេចក្តីណែនាំបច្ចេកទេសសម្រាប់ការប្រឡងផងដែរ ក្នុងគោលបំណងជួយដល់គ្រប់ភាគីពាក់ព័ន្ធក្នុងវិស័យអប់រំ៕
